Сырдыгы, кэрэни сыдьаайа,

Ньиргийэ сайда тур Дьабыыла!

Олоҕу саҥалыы айаҥҥын,

Үүнэ тур, үрдүү тур, Одьулуун! (А.В. Саввина – Аларга)

Бүгүн о.э. Ыам ыйын 27 күнүгэр, Одьулууммут нэһилиэгэр биир үөрүүлээх түгэн тосхойдо. Уйгуну быйаҥы олохтоон «Бэрэ» эбэккэбит иккис тыыннаммытынан, самаан сайын кэлбитинэн иэйэхсит айыыһыппытыгар сүгүрүйэн, алгыс аныыр, сиэрэ – туома оҥоһуллунна. Уот оттон, сылаас алаадьынан, арыылаах саламаатынан күндүлээн, алгыс тылын эттэ Аржаков Афанасий Алексеевич. Нэһилиэкпит эр дьоно, байанайдаах булчуттарбыт, көмүс хатырыктааҕынан Эбэ хотуммутун иччилээн сиэрин туомун ситэрдилэр.

Аалай кыһыл лиэнтэни быстылар:

Чурапчы улууһун баһылыга - Саргыдаев Степан Анатольевич. Сири мелиорациялааһыҥҥа уонна тыа хаһаайыстыбатын уунан хааччыйыыга салалтатын бастакы солбуйааччыта - Лоскин Михаил Иванович. Чурапчы улууһун депутата - Аржаков Антон Алексеевич. Сири мелиорациялааһыҥҥа уонна тыа хаһаайыстыбатын уунан хааччыйыыга салалтатын Чурапчытааҕы филиалын салайааччыта - Попов Николай Николаевич.

 Эҕэрдэ тылларын, махтал суруктарын туттардылар:

• Чурапчы улууһун баһылыга - Саргыдаев Степан Анатольевич.
• Одьулуун нэһилиэгин Тыа сирин түөлбэтин баһылыга - Ефремова Людмила Васильевна.
• Сири мелиорациялааһыҥҥа уонна тыа хаһаайыстыбатын уунан хааччыйыыга салалтатын бастакы солбуйааччыта - Лоскин Михаил Иванович.
• Сири мелиорациялааһыҥҥа уонна тыа хаһаайыстыбатын уунан хааччыйыыга салалтатын Чурапчытааҕы филиалын салайааччыта - Попов Николай Николаевич.
• Одьулуун нэһилиэгин депутата – Собакин Леонид Алексеевич.

Күндү нэһилиэкпит бар дьоно, күүппүт – көһүппүт кэрэ күммүт тосхойдо. Бэрэбит быһыта аһыллан нэһилиэкпитигэр биир үөрүүлээх, кэрэ түгэн үүннэ!.