Кулун тутар 15 күнүгэр, Т.Г. Тоскин аат. "Сайдыс" НАДь Арассыыйаҕа Норуоттар сомоҕолоһуулара, Саха сиригэр Култуура, Чурапчы улууһугар Оҥорон таһаарыы, Одьулуун нэһилиэгэр «Үйэтитии» сылларын чэрчитинэн, нэһилиэктэр икки ардыларыгар ыытыллыбыт улуустааҕы "АЙХАЛЛАН, ЧУРАПЧЫ" уус - уран самодетельность бэстибээлигэр БАСТАКЫ МИЭСТЭНИ ылан, 100 000 солк. наҕараадаланна.
Бүгүн, о.э Кулун тутар 6 күнүгэр Саха сирин норуотун маастарын күнүн чэрчитинэн, Одьулуун нэһилиэгин "Иэйэхсит" норуот маастардарын түмсүүтүн биир сүрүн чилиэнэ, Чурапчы улууһун норуотун маастара КАРАМЗИНА МАРИЯ ИЛЬИНИЧНА СӨ "НОРУОТ УУС - УРАН ОҤОҺУКТАРЫН МААСТАРА" диэн үрдүк званиянан наҕараадаланна.
Ону тэҥэ, "Якутия Мастеровая" выставка - ярмарка түмүгүнэн, Петрова Августина Егоровна III истиэпэннээх ДИПЛОМ уонна Карамзина Мария Ильинична II истиэпэннээх ДИПЛОМ ылары ситистилэр.
Бүгүн о.э Тохсунньу 17 күнүгэр «Сайдыс» НАДь аатын сүгэр, бастакы кулууп дьиэтин туттарбыт улуу киһибит Тимофей Гаврильевич Тоскин төрөөбүтэ 110 сыла.
"Одьулуун нэһилиэгэ" ТСТ баһылыга Людмила Васильевна Ефремова уонна "Сайдыс" НАДь коллектива мемориальнай дуоскатыгар сибэкки дьөрбөтүн уурдубут. Ону тэҥэ 2026 сыл, СӨ "Култуура сыла" биллэриллибитинэн сүнкэн улахан үлэлэр күүтэллэр. Саҥа сыл үлэтин арыйар тэрээһиммит, Тимофей Гаврильевич Тоскин төрөөбүт күнүгэр сөп түбэһиннэрэн Төрдүс төгүлүн ыытыллар "Сайдыс нас связала" Т.Г. Тоскин аат. "Сайдыс" НАДь иһинэн үлэлиир куруһуоктарга, түмсүүлэргэ сылдьар дьоммутугар аналлаах саҥа дьыллааҕы тэрээһин буолар.
Ахсынньы 19 күнүгэр, Аҕа дойду Улуу Кыайыы 80 сылынан, бүтүн Россияҕа герой күнүн чэрчитинэн Одьулуун нэһилиэгиттэн Анал байыаннай дьайыыга ыҥырыллан барбыт буойуттарбытыгар ону тэҥэ байыаннай дьайыы бэтэрээннэригэр аналлаах СТЕЛА аһыллыыта буолла.
Стеланы арыйдылар Одьулуун нэһилиэгэ Тыа сирин түөлбэтин баһылыга Ефремова Людмила Васильевна, Улуус баһылыгын тутууга солбуйааччы Дьячковский Афанасий Николаевич уонна анал байыаннай дьайыыга сылдьар буойун уолаттарбыт дьиэ кэргэттэрэ. Байыаннай дьайыы бэтэрээннэригэр Бочуотунай грамоталар, стеланы оҥорон таһаарбыт дьоммутугар махтал суруктар туттарыллыннылар.
Герой күнэ өспөтүн!
Үгүс үйүлэргэ сылларга!
Аан дойдуга Эйэ эрэ!
Чэчирээтин чэлгийдин!
Кэлбит дьоммутугар барҕа махталбытын тиэрдэбит! Бука - бары дьоллоох, доруобай буолуоҕуҥ!
Ахсынньы 5 күнүгэр Уус Алдан улууһугар, Тойон Мүрү култуура дыбарыаһыгар 47 төгүлүн ыытыллар Өрөспүүбүлүкэтээҕи Мария, Аким Бурцевтар сырдык ааттарыгар аналлаах «МҮРҮ 2025» ырыа куттаах дьиэ - кэргэн күрэҕэр, Одьулуун нэһилиэгин ырыа куттаах Абрамовтар дьиэ - кэргэттэрэ кыттыыны ыллылар. Матрена Дмитриевна, Илларион Илларионович уонна кыргыттара Варя Винокурова, Алима Егорова.
Өрөспүүбүлүкэ ырыа куттаах 14 дьиэ - кэргэн кыттыыны ылла. Абрамовтар Дипломант III степени, Мария, Аким Бурцевтар оҕолоро туруорбут харчынан бириэмийэлэрин ыллылар.
Страница 1 из 20
