Главная

с. Дябыла, ул. К.Маркса, 23 84115124310 saidys2016@mail.ru Пн-Сб 10-18,Обед 13-14

Опубликовано: 23 января 2025

80 сыл анараа өттүгэр Советскай норуот, кини Албан ааттаах Кыһыл Армията, фашисткай Германияны бүтэһиктээхтик үлтүрүппүтэ Рейхстах үрдүгэр Ийэ дойдубут кыһыл былааҕын күөрэччи тутан Кыайыыны аҕалбыттара!

Ол курдук, тохсунньу 22 күнүгэр Кыайыы Знамята Төлөй нэһилиэгиттэн Одьулууҥҥа кэлэр үөрүүлэх түгэнэ буолан ааста. Знамяны Байыаннай дьайыы бэтэрээннэрэ Саввин Александр Романович, Адамов Иван Анатольевич, Сорокоумова Анна Ильинична уонна Одьулуун орто оскуолатын "Альфа" байыаннай-патриотическай кулууп иитиллээччилэрэ Халгаев Алгыс, Карпов Кэскил, Колодезников Аян туттулар. Одьулуун нэһилиэгин баһылыга Ефремова Людмила Васильевна, Чурапчы улууһун депутаттарын сэбиэтин бэрэссэдээтэлэ Яков Павлович Оконешников эҕэрдэ тылларын эттилэр.

Ити курдук, Чурапчы улууһун Одьулуун нэһилиэгэ Кыайыы 80 сылыгар анаммыт «Кыайыы Знамята» эстафетатыгар өрө көтөҕүллэн туран кыттыыны ыллылар.

Подробнее: "Кыайыы Знамята" Одьулуун нэһилиэгэр кэллэ!

Опубликовано: 21 января 2025

Бүгүн о.э Тохсунньу ый 21 күнүгэр Хоту көһөрүллүү кыттыылааҕа, үлэ, тыыл бэтэрээнэ Собакин Николай Алексеевич 90 сааһа. Ытык киһибитигэр доруобайдык, тулалыыр дьонуҥ тапталыгар уйдаран уһуннук олороргор баҕарабыт!

Подробнее: Ытык киһибит, 90 сааскынан!

Опубликовано: 17 января 2025

Бүгүн о.э Тохсунньу 17 күнүгэр «Сайдыс» НАДь аатын сүгэр, бастакы кулууп дьиэтин туттарбыт улуу киһибит Тимофей Гаврильевич Тоскин, төрөөбүтэ 109 сыла. Ону чиэстээн коллектив, мемореальнай дуоскатыгар сибэкки дьөрбөтүн уурдубут. Быйыл (1935-2025) Т.Г. Тоскин аат. «Сайдыс» норуот айымньытын дьиэтэ 90 сыллааҕы үбүлүөйүн Муус устар ыйга бэлиэтээри, бэлэмнэнии үлэтин саҕалаата.

Подробнее: Одьулуун нэһилиэгин Т.Г. Тоскин аат. "Сайдыс" НАДь 90 сыллаах үбүлүөйүгэр бэлэмнэнии үлэтин...

Опубликовано: 12 декабря 2024

Эдэрдии эрчими эргитэн

"Саһарҕа" үҥкүүлээн тэлээрэр,

Уранныыр оһуору түһэрэн

Баар дьону барытын долгутар:

Ип-истиҥ иэйиини бэлэхтээн,

Чаҕылхай көстүүнү уруйдаан.

Ахсынньы ый 11 күнүгэр Т.Г. Тоскин аат. "Сайдыс" НАДьиэтигэр "Саһарҕа" үһүс көлүөнэ үҥкүү ансаамбыла "Саһарҕалар ыллыыллар" диэн ырыа, үҥкүү дьоро киэһээтин бэлэхтээтилэр. Кэнсиэр биир тыынынан үрдүк таһымнаахтык буолла. Саҥа сонун нүөмэрдэр, талааннар дьоро киэһээни киэргэттилэр.

Күндү дьоммут үҥкүү, ырыа кэрэ эйгэтигэр тапталгыт уонна умсулҕаннаах дьарыккыт уостубатын, нарыннык-намчытык хамсанан, өссө да Сахаҕыт сирин, Чурапчыгытын ааттата туруҥ диэн баҕа санаабытын тиэрдэбит!